يا ريح.. | نايف سليم

• نايف سليم
• 17/09/2022
• نسخ الرابط

 

 1

يا ريح ظلك دايره بالكون واحكي عن اللي اليوم بجرى هون

عن حاكم وعن فلسطينية "عبيدُه" وقديش أجبر فقير يهدّ بيتُه بإيده

أو بنجبر يدفع أجار الهدم للهادم "المفضال"

 بأرقام لا تخطر على بال...

 2

يا ريح لفّي وأبرمي وحومي ع المدرسه الظلت على الطلاب مهدومه.. وهيئة أمم كلاّ غتم.. وخيول ملجومه!

 3

يا ريح ودّي اخبار يا نسمات دوّاره.. عن فلسطينيه.. رمز الشقا..

وعن واحدا اللي مات قبل شويّ في الغاره.. وراسُه ما التقى..

 4

يا ريح ظلك هيك هدّاره ومحنجّه ع الجمّعوا الشبان في الحاره

وطخوهن بحجه وبلا حجه...

 5

يا ريح علّي في السما علّي.. ولا تخضعي وتكبري العلّه على القلب الحزين..وكل ما تشوفي أرض محتله ومحتلين

غلّي بحالك مثلنا غلّي...

 6

يا ريح فرّي واهربي وولّي من هالحصار الشامل الكلي

ولا تقبلي تشوفي البساطير المستحله..ومليون مره الموت أشرف من الذله... 7

يا ريح دوري وأبرمي في الكون وشوفي العوالم كلها

ومثل اللي بجرى هون..ما في بكل الكون...

 8

يا ريح لمّي الرمل ذرّي الرمل وارميه..وخلّي الضعيف انما قوي يعرف شو مستنّيه...

 9

يا ريح ضجّي قدّما تضجي..وما توشوشي..بلكي حدا من الساكتين

بتحرّك وبعمل إشي...

 10

يا ريح لو بتوقفي شيله..لنّه أكام ليله بحمانا..بلكي هدير الطيارات بسمانا..بهدا أكام ليله...عنّا ومعانا........